Hörmətli cənab prezident, Argentina Respublikasının prezidenti seçilməyiniz münasibətilə sizi ürəkdən təbrik edirəm.

Mən Azərbaycan Respublikası ilə Argentina Respublikası arasında təşəkkül tapmış dostluq münasibətlərinə böyük əhəmiyyət verirəm.

Ümidvaram ki, ölkələrimiz arasındakı əlaqələr genişlənib möhkəmlənərək xalqlarımızın rifahının yüksəlməsinə xidmət edəcəkdir.

Sizə möhkəm cansağlığı və işlərinizdə uğurlar, ölkənizə sülh, tərəqqi və firavanlıq arzulayıram.